Listen to Kumara Mangala Stotram on at rajshrisoul and seek blessing from Lord Kartikeya.<br /><br />Lyrics-<br />यज्ञोपवीती कृत भोगिराजो<br /> गणाधिराजो गजराज वक्त्रः ।<br />सुराधि राजार्चित पादपद्मः<br /> सदा कुमाराय शुभं करोतु ॥ १॥<br /><br />विधातृ पद्माक्ष महोक्षवाहाः<br /> सरस्वती श्री गिरिजा समेताः ।<br />आयुः श्रियं भूमिमनन्त रूपं<br /> भद्रं कुमाराय शुभं दिशन्तु ॥ २॥<br /><br />मासाश्च पक्षाश्च दिनानि ताराः<br /> राशिश्च योगाः करणानि सम्यक्<br />ग्रहाश्च सर्वेऽदितिजा स्समस्थाः<br /> श्रियं कुमाराय शुभं दिशन्तु ॥ ३॥<br /><br />ऋतुर्वसन्तः सुरभिः सुधा च<br /> वायुस्तथा दक्षिणनामधेयः ।<br />पुष्पाणि शश्वत्सुरभीणि कामः<br /> श्रियं कुमाराय शुभं करोतु ॥ ४॥<br /><br />भानुस्त्रिलोकी तिलकोऽमलात्मा<br /> कस्तूरि कालंकृत वामभागः ।<br />पम्पासरश्चैव स सागरश्च<br /> श्रियं कुमाराय शुभं करोतु ॥ ५॥<br /><br />भास्वत्सुधारोचि किरीटभूषा<br /> कीर्त्या समं शुभ्र सुगात्र शोभा ।<br />सरस्वती सर्वजनाभिवन्द्या<br /> श्रियं कुमाराय शुभं करोतु ॥ ६॥<br /><br />आनन्दयन्निन्दु कलावतंसो<br /> मुखोत्पलं पर्वतराजपुत्र्याः ।<br />स्पृसन् सलीलं कुचकुम्भयुग्मं<br /> श्रियं कुमाराय शुभं करोतु ॥ ७॥<br /><br />वृषस्थितः शूलधरः पिनाकी<br /> गिरिन्द्र जालंकृत वामभागः ।<br />समस्त कल्याणकरः श्रितानां<br /> श्रियं कुमाराय शुभं करोतु ॥ ८॥<br /><br />लोकान शेषानवगाहमाना<br /> प्राज्यैः पयोभिः परिवर्धमाना ।<br />भागीरथी भासुरवीचिमाला<br /> श्रियं कुमाराय शुभं करोतु ॥ ९॥<br /><br />श्रद्धां च मेधां च यशश्च विद्यां<br /> प्रज्ञां च बुद्धिं बलसम्पदौ च<br />आयुष्यमारोग्यमतीव तेजः<br /> सदा कुमाराय शुभं करोतु ॥ १०॥
